Ndeshja mes Bajern Mynih dhe Real Madrid është shoqëruar me kaos dhe protesta të vazhdueshme ndaj gjyqtarit Slavko Vinçiç. Nuk ishte vetëm ekipi spanjoll ai që protestoi, por edhe skuadra gjermane, me trajnerin Vincent Komani që e pësoi më keq.
Në momentin e golit të rezultatit 3-2 të Mbape, Kompani nuk kurseu protestat ndaj kryesorit, duke pretenduar për një faull ndaj Stanisiç në startin e aksionit. Trajneri i bavarezëve me sa duket e teproi me ankesat e tij dhe gjyqtari i tregoi një karton të verdhë.
Meqë Kompani kishte marrë një të verdhë ndaj Arsenalit dhe një tjetër ndaj Eindhoven, ajo që mori ndaj Realit plotësoi numrin e tre kartonëve për trajnerin, i cili si rrjedhojë do të pezullohet për ndeshjen e radhës, gjysmëfinalen e parë ndaj PSG-së.
“I pezulluar? Atëherë ndeshja e parë do të luhet pa mua në vijën anësore. Mendoj se me këtë format të ri dhe me kaq shumë ndeshje më tepër, përdorimi i kartonëve të verdhë është shumë strikt”, tha Kompani pas sfidës duke komentuar mungesën e tij në duelin e ardhshëm në Paris./PanoramaSport