Një tërmet me magnitudë 6.3 ballë goditi qytetin portual të Esmeraldas në Ekuador të premten në mëngjes, duke lënë pas të paktën 20 persona të lënduar dhe dhjetëra ndërtesa të dëmtuara.
Sipas autoriteteve lokale, tërmeti u ndje edhe në kryeqytetin Quito dhe shkaktoi ndërprerje të energjisë elektrike në disa zona. Personat e lënduar kanë marrë plagë në kokë dhe dëmtime të tjera nga rënia e materialeve ndërtimore.
“Ishte shumë e fortë”, u shpreh për AFP ish-kandidati presidencial Yaku Perez nga vendi i ngjarjes.
Pamjet nga Esmeraldas tregojnë mure dhe fasada të shembura, ndërtesa me çarje dhe rrugë të bllokuara nga rrënojat. Janë raportuar dëme në 60 shtëpi, një qendër shëndetësore, dy rrugë, një urë dhe një objekt ushtarak, fasada e të cilit u shemb pjesërisht.
Kompania shtetërore e naftës, Petroecuador, bëri të ditur se ka pezulluar përkohësisht operacionet në rafinerinë e Esmeraldas dhe në një tubacion aty pranë si masë paraprake sigurie.
Instituto Geofísico @IGecuador REVISADO
Evento: igepn2025ibeq
Ocurrido: 2025-04-25 06:44:50
Mag.: 6MLv
Prof.: 30.4 km
Lat.: 1.039° N
Long.: 79.697° W
Localizado: 8.4km de EsmeraldasEl centro de la ciudad de Esmeraldas luego del #Temblor de esta mañana
Deslizamientos de… pic.twitter.com/CblqjaMD95— Patricio Torres (@Patrici32529934) April 25, 2025
Presidenti Daniel Noboa deklaroi se ka urdhëruar dërgimin e ministrave në zonën e prekur për të ndihmuar në organizimin e ndihmës humanitare dhe ndërtimin e strehimeve për të prekurit.
Sipas Studimit Gjeologjik të SHBA-së, tërmeti ndodhi në një thellësi prej rreth 35 kilometrash dhe, fatmirësisht, autoritetet konfirmuan se nuk ka rrezik për cunami.
Ekuadori ndodhet në një zonë me aktivitet të lartë sizmik për shkak të ndërveprimit të pllakës Nazca me atë të Amerikës së Jugut përgjatë bregdetit.
#Esmeraldas #Temblor #Sismo
Varias casas y edificios reportan serios daños en su infraestructura debido al Temblor de 6.0 pic.twitter.com/fEPUkUa5gF— Minuto & Medio (@MinMedio) April 25, 2025