Temperaturat e larta të zgjatura në kohë kanë shkaktuar dëm në kolonitë e bletëve.
Në Fier, bletarët shprehen se kanë patur rënie drastike të mjaltit të prodhuar këtë vit.
Ferdinand Muskaj zotëron mbi 500 koshere me bletë të cilat i ka vendosur në Dhërmi për kullota më të mira. Pavarësisht kësaj ai shprehet se është detyruar të shtojë kujdesin ndaj bletëve.
I nxehti i ka ekspozuar bletët ndaj sëmundjeve.
Ky është viti i dytë radhazi që shënon ulje të prodhimit të mjaltit. Në Fier numri i fermave të bletarisë shkon në afërsisht në 300.


