Deputeti i PD Ervin Salkianji, pas ngjarjes ku një person në Malësinë e Madhe hapi zjarr në drejtim të efektivëve të policisë, ka reaguar kundra Ministrisë së Brendshme.
Ai shprehet se plumbat ndaj policisë janë të papranueshme dhe kushdo ngre dorën ndaj policies, duhet të marrë ndëshkimin më të ashpër.
Salianji më tej ka “thumbuar” ministrin e Brendshëm që sipas tij “është shpallur në kërkim e nuk gjendet me sa duket i trembur nga gjendja e krimit dhe i pafuqishëm të ndërhyjë derisa të marrë dakortësinë e bandave, po mbron veten në bunkerët e ministrisë”.
“Ndërkohë duhet thënë se ngjarje të tilla të harruara prej vitesh vijnë për shkak të drejtuesve partiakë të policisë së shtetit dhe përdorimit të segmenteve të policisë që ndihmojnë dhe lehtësojnë krimin, e kriminelët që mbledhin e pjellon vota për pushtetin! Këta drejtues ja kanë ulur autoritetin policisë dhe i kanë vendosur nën darë punonjësit e policisë, nën darën e krimit dhe drejtuesve të policisë të emëruar nga krimi! Degradimi i rendit dhe sigurisë ka vendosur në alarm gjithë shoqërinë, duhet ndryshim! Ministri prej kohësh është shpallur në kërkim e nuk gjendet me sa duket i trembur nga gjendja e krimit dhe i pafuqishëm të ndërhyjë derisa të marrë dakortësinë e bandave, po mbron veten në bunkerët e ministrisë!”, shkruan Salianji.