Një plagosje me armë zjarri është regjistruar mbrëmjen e sotme në vendin e quajtur Ura Dervishbeg, në Shkodër.
Sipas informacioneve paraprake, ngjarja ka ndodhur pranë një servisi, ku shtetasi Izvin Gucia dyshohet se ka qëlluar me armë zjarri ndaj shtetasit Genc Hoxha, 45 vjeç, duke e plagosur në këmbë.
Rreth orës 21:10, në rrugë pranë ambientit të servisit, dyshohet se shtetasi me iniciale I. G. ka qëlluar me armë zjarri dhe si pasojë është plagosur shtetasi G. H., 45 vjeç. I dëmtuari ka marrë plagë në këmbë dhe ndodhet nën kujdesin e mjekëve, jashtë rrezikut për jetën.
Shërbimet e Policisë kanë shkuar menjëherë në vendngjarje dhe janë vënë në ndjekje të autorit të dyshuar. Ndërkohë, grupi hetimor, nën drejtimin e Prokurorisë, vijon punën për zbardhjen e plotë të rrethanave të kësaj ngjarjeje.