Përveç përplasjeve të ashpra mes banorëve, dita e sotme është shoqëruar dhe me energji pozitive brenda “BBVA4”.
Egli, Kelly, Aldo, Loredana dhe Gerta e shijuan mesditën duke kënduar e kërcyer me njëri-tjetrin.
Kur papritmas në një moment Gerta përlotet. Pranë saj shfaqet Loredana e cila mundohet ta qetësoje duke e përqafuar dhe duke bërë humor.
“Janë krenarë për ty”, i tha Loredana banores e cila këndonte me lot në sy.
Ndërkohë në sfond dëgjohet kënga “E duam lumturinë” çka mendohet se e bëri Gertën tejet emocionale pasi gazetares i erdhën ndër mend dy djemtë e saj.
Kujtojmë se rrugëtimin e saj në “BBVA4”, Gerta e nisi me emocione të forta. Që në ditët e para ajo ka ndjerë mungesën e fëmijëve të saj, një situatë që e ka prekur shumë herë brenda shtëpisë në fjalë.