Gjatë konferencës së sotme kryedemokrati Berisha komentoi dhe lajmin që bëri bujë në rrjet së fundmi se Shtetet e Bashkuara të Amerikës do t’i vendosin tarifë 10% produkteve që vijnë nga Shqipëria.
Në lidhje me këtë situatë Berisha premtoi se do të negociojë me Presidentin Donald Trump, nëse fiton zgjedhjet e 11 maj.
Berisha: Tarifat që vendet kishin ndaj BE ishin shumë më të larta se sa SHBA ndaj prodhimeve të tyre. Nëse një veturë jo prodhim amerikan tarifohej ta zemë më 3 në SHBA, vetura amerikane tarifohej me 10%. Kishte vende që e kishin 17% tarifën, në një kohë kur SHBA kishte tarifa 3% për to. Kjo është një çështje globale, që nuk mund të jetë njëanshmëri. Ajo që dëgjuat këtu ‘made in albania’, ajo është drejtim themelor i kohës për ekonominë, prodhim, prodhim… shpërndarja e pabarabartë e prodhimit rrezikojnë për ekonomi jo të qëndrueshme. Ky është komenti im: negociata, negociata, pas 11 majit.