Pas transferimit të Malik Thiaw te Newcastle për mbi 40 milionë euro, Milani e ka vendosur përforcimin e repartit defensiv si prioritet absolut në këtë merkato. Situata është bërë edhe më urgjente, pasi trajneri Massimiliano Allegri duket i vendosur të zbatojë skemën me tre qendërmbrojtës, çka mund të sjellë afrimin e jo vetëm një, por dy mbrojtësve të rinj deri në fund të gushtit.
Sipas Tuttosport, drejtori sportiv Igli Tare planifikon një investim të madh për një talent premtues, preferueshëm italian. Megjithatë, në listë figuron edhe një emër i njohur për futbollin shqiptar – Berat Gjimshiti. Kapiteni i Kombëtares, aktualisht te Atalanta dhe me kontratë deri në vitin 2026, shihet si një mundësi konkrete nëse kushtet e merkatos përputhen.
Pas transferimit të Ardon Jasharit, që u bë shqiptari i parë në historinë e klubit kuqezi, mund të jetë radha e Gjimshitit për të veshur fanellën e Milanit.
Radar.al