Për të parën herë në Gjykatën e Posaçme kundër Korrupsionit dhe Krimit të Organizuar ka dëshmuar bashkëpunëtori i drejtësisë Artan Tafani, i cili rrëfeu në lidhje me 17 episode kriminale të lidhura me grupin e Laert Haxhiut.
Në lidhje me këtë situatë SPAK mori të pandehur tetë persona, të akuzuar për një sërë veprash penale të kryera nëpër zona të ndryshme të vendit.
Kujtojmë se Artan Tafani u arrestua në shtator të 2023, pas një grabitjeje me armë në një pikë këmbimi valutor në zonën e Astirit.
Në senacën dëgjimore në GJKKO, ai iu përgjigj pyetjeve të prokurorit të çështjes, Behar Dibra.
Tafani tregoi për jetën e tij dhe rrugën drejt përfshirjes në botën e krimit. Ai pretendon se u detyrua të përfshihej në botën e krimit për shkak të kushteve të vështira ekonomike.
“Kam qenë emigrant në Greqi, ku jam marrë me drogë dhe pata probleme. U ktheva në Shqipëri dhe në vitin 2015 përfundova në burg për vjedhje. Kisha probleme ekonomike. Dënimin e vuajta në burgun e Rrogozhinës dhe më pas në burgun e Kosovës, në Lushnje.”
Ndërsa më tej Tafani tregon se si u bë dhe shitës dhe përdorues I drogës. E në vitin 1997 atij I vranë babanë, ndaj u detyra të emigronte së bashku me nënë drejt Greqisë.
“Isha i vogël kur ika. Kishim një biznes familjar me materiale ndërtimi. Në Greqi punova fillimisht në mënyrë të ndershme, me bojra dhe lyerje. Në vitin 2006 u ktheva në Lushnje dhe punova me xhaxhain në ndërtim. E lashë drogën për një kohë, por më pas u përfshiva sërish në probleme. Në 2015 vodha një pikë ‘Ëestern Union’-i, prej nga më dërgonin para të afërmit nga Greqia. U arrestova dhe u dënova me 6 vite burg.” shprehet Tafani.
Më tej ai zbuloi se gjatë burgimit ai u njoh dhe me disa persona të arrestuar, nga Lushnja. Përmendi takimet me Lulzim Spahiun, pas një ngjarjeje ku u plagos Xhulio Shkurti, nipi i Aldo Bares, dhe ku arma u gjet tek stani i babait të Laert Haxhiut, Qamil Haxhiu.
“Pas daljes nga burgu, u takova me Lulzimin te një karburant i Saimir Taullahut. Më çoi llaf Klajdi Taullahu se donte të më takonte Lulzimi, për të bërë ndonjë ‘punë me mall’. Më pas, u takuam te ‘Palma Nova’ me Laert Haxhiun, ishte hera e parë që e shihja. Anterio Kaloshin e njihja nga burgu në Rrogozhinë. Unë kam përdorur edhe emrin tjetër: Marius,” tha ai.
