KINË– Një prej tajfuneve më të fuqishëm të viteve të fundit, i quajtur “Ragas”, raportohet se ka shkaktuar dëmtime të gjera pasi goditi Hong Kongun, Tajvanin, Filipinet dhe paralizoi jetën në bregdetin jugor të Kinës, duke shkaktuar dëme të mëdha në rrugë, hotele dhe infrastrukturë.
Në Tajvan, 14 persona vdiqën në një qytet të përmbytur, ndërsa 10 vdekje u raportuan në Filipine. Erërat e forta të Ragas zgjuan banorët e Hong Kongut në orët e para të mëngjesit, sipas Associated Press, dhe shumë njerëz përdorën internetin për të përshkruar përmbytjet dhe dëmet.
Erërat e forta shkulën pjesë të çatisë së një ure për këmbësorë dhe rrëzuan qindra pemë në të gjithë qytetin. Një varkë u përplas në breg, duke thyer një sërë kangjellash prej qelqi përgjatë bregut të detit. Zonat përreth disa lumenjve dhe rrugëve bregdetare u përmbytën, duke përfshirë shtigje biçikletash dhe sheshe lojërash. Në shumë restorante buzë ujit, mobiljet u shpërndanë në mënyrë kaotike nga erërat. Pamjet e transmetuara nga mediat dhe të publikuara në rrjetet sociale ishin vërtetë tronditëse./Radar.al
