SHBA- Futbollisti kroat, Ivan Perisiç, ka shkruar historinë e Kupës së Botës, duke u bërë lojtari i dytë që regjistron të paktën një asist në katër turne të ndryshme të këtij kompeticioni.
Perisiç i dhuroi një asist të bukur Petar Musas, për golin e dytë që Kroacia i shënoi Anglisë. Me këtë arritje, ai i bashkohet legjendës argjentinase, Lionel Mesi, i cili ishte lojtari i vetëm që ka realizuar një sukses të tillë në histori të Botërorit.
Perisiç vazhdon të jetë një figurë kyçe për përfaqësuesen kroate, ndërsa me këtë rekord ai ka siguruar një vend të veçantë në historinë e Kupës së Botës, përkrah një prej futbollistëve më të mëdhenj të të gjitha kohërave./PanoramaSport