Gjatë verës, shumë njerëz përdorin syze dielli për modë, pa menduar për mbrojtjen e syve. Oftalmologët paralajmërojnë se syzet pa filtër UV mund të jenë më të rrezikshme se të mos mbash fare syze, pasi drita e errësuar bën që bebëza të zmadhohet dhe të lejojë më shumë rreze të dëmshme UV.
Sipas studimeve, 23% e njerëzve i zgjedhin syzet vetëm për pamje dhe shumica nuk e kontrollojnë nivelin e mbrojtjes. Ekspozimi i gjatë ndaj UV-ve mund të çojë në probleme serioze si katarakti, dëmtimi i retinës apo humbje të shikimit.
Mjekët këshillojnë të zgjidhen syze me filtër UV400, me certifikim të dukshëm dhe pa gërvishtje në xhama. Gjithashtu, syzet e diellit duhen përdorur edhe në dimër, sidomos kur ka borë, pasi rrezet UV reflektohen më shumë.
Kontrollet e rregullta tek specialisti janë thelbësore për të ruajtur shikimin dhe për të zgjedhur mbrojtjen e duhur për sytë.