Tirana do të jetë mikpritësja e Samitit të Komunitetit Politik Evropian më 16 maj 2025, një nga ngjarjet më të rëndësishme ndërkombëtare të organizuara ndonjëherë në vendin tonë. Në kryeqytet pritet të mbërrijnë liderët më të lartë të vendeve evropiane, për një takim që konsiderohet si një moment historik për Shqipërinë dhe rolin e saj në proceset integruese drejt Bashkimit Evropian.
Në funksion të garantimit të sigurisë dhe mbarëvajtjes së samitit, autoritetet kanë ndërmarrë një sërë masash organizative, përfshirë kufizime të përkohshme në qarkullimin rrugor në disa akse kryesore të qytetit.
Ndalimi i qarkullimit të automjeteve do të jetë në fuqi:
• Nga ora 22:00 e datës 15 maj 2025 deri në 23:00 të datës 16 maj 2025,
• Në këto akse kryesore:
* Bulevardi “Dëshmorët e Kombit” (nga kryqëzimi me bulevardin “Zhan d’Ark” deri në kryqëzimin me rrugën “Myslym Shyri”),
* Rruga “Ibrahim Rugova” (nga “Myslym Shyri” deri në rrugën e “Kavajës”),
* Rruga “Ded Gjo Luli”,
* Rruga “Urani Pano” dhe vazhdimësia në rrugën e “Barrikadave” deri në kryqëzim me rrugën “George W. Bush”,
* Bulevardi “Zogu i Parë” deri te tuneli pranë ish-Cirkut.
Qarkullimi i automjeteve do të devijohet përmes:
• Rrugës së “Kavajës”,
• Rrugës “Myslym Shyri” dhe “Sami Frashëri”,
• Rrugës së “Durrësit” (segmenti i rrugës “Barrikadave”),
• Bulevardit “Zhan d’Ark”,
• Bulevardit “Zogu I” deri te rruga “Fortuzi”,
• Bulevardit “Bajram Curri”.
Kërkojmë mirëkuptimin dhe bashkëpunimin e qytetarëve dhe drejtuesve të mjeteve për respektimin e këtyre kufizimeve të përkohshme që synojnë garantimin e sigurisë dhe zhvillimin e suksesshëm të këtij eventi të rëndësishëm.
Për më shumë informacion, ju ftojmë të vizitoni faqen zyrtare të Policisë së Shtetit.