IRAN– Forcat e armatosura iraniane kanë mohuar të kenë nisur një sulm me dronë ndaj Azerbajxhanit, pas raportimeve se dy dronë që fluturonin nga drejtimi i Iranit ranë pranë aeroportit në enklavën azerbajxhanase të Nakhçivanit.
“Republika Islamike e Iranit… mohon se forcat e saj të armatosura kanë lëshuar një dron drejt Republikës së Azerbajxhanit.”– tha shtabi i përgjithshëm i forcave të armatosura në një deklaratë të transmetuar nga agjencia gjysmëzyrtare e lajmeve Tasnim e Iranit.
Duke fajësuar Izraelin për sulmin, Shtabi tha: Veprime të tilla nga regjimi sionist për të prishur marrëdhëniet midis vendeve myslimane përmes mjeteve të ndryshme janë të dokumentuara mirë.
Më herët, mediat publikuan imazhe nga dëmet e shkaktuara në aeroportin e Nakhçivanit. Ministria e Mbrojtjes u zotua për kundërpërgjigje, duke thënë se: Republika Islamike e Iranit mban të gjithë përgjegjësinë për incidentin. Këto akte agresioni nuk do të mbeten pa përgjigje./Radar.al