Një person ka humbur jetën dhe rreth 200,000 familje kanë mbetur pa energji elektrike në Lituani dhe Letoni, pasi erërat e forta dhe shiu i dendur goditi vendet baltike gjatë natës.
Sipas burimeve mësohet se zyrtarët e zjarrfikësve dhe të shpëtimit kanë marrë qindra thirrje urgjente për pemë të rrëzuara, vetura të dëmtuara dhe rrugë e fusha të përmbytura.
Në Lituani, autoritetet paralajmëruan njerëzit të udhëtojnë vetëm në situata urgjente pasi stuhia pritet të shkaktojë erëra më të forta dhe nivele katastrofike të shiut.
Ekspertët e motit njoftuan se erërat e forta mbizotëruese në Letoni do të vazhdojnë të rrisin nivelet e ujit përgjatë bregut të Gjirit të Rigës, me lumin Daugava që përshkon kryeqytetin i cili rrezikohet të përmbytet.
Zyrtarët në Riga thanë se sheshi qendror Dome i kryeqytetit është mbyllur përkohësisht për shkak të rrezikut të paraqitur për publikun nga dëmtimi në një pjesë të çatisë në Katedralen mesjetare Dome.