Gjykata Evropiane e të Drejtave të Njeriut ka vendosur në mënyrë unanime në çështjen “Manjani kundër Shqipërisë”, duke konstatuar se shteti shqiptar ka shkelur Nenin 8 të Konventës Evropiane për të Drejtat e Njeriut.
Shiqiri Manjani, i cili u skualifikua nga Këshilli i Lartë i Prokurorisë për pranimin në Shkollën e Magjistraturës për shkak të një dënimi të marrë në vitin 2006, kur ishte 15 vjeç, kishte ankimuar vendimin pa sukses në të gjitha instancat vendase.
GJEDNJ vlerësoi se vendimi i autoriteteve shqiptare ishte i papërqindshëm dhe nuk merrte parasysh rrethanat individuale, moshën e aplikuesit dhe sjelljen e tij të mëpasshme profesionale. Gjykata e cilësoi ndalimin si “absolut dhe të përhershëm”, duke goditur seriozisht zhvillimin profesional dhe identitetin social të Manjanit.
Si pasojë, GJEDNJ vendosi që shteti shqiptar:
T’i paguajë Manjanit 4,500 euro dëmshpërblim për dëmin jopasuror;
T’i ofrojë mundësinë e rihapjes së procesit gjyqësor në nivel kombëtar për rishqyrtim të rastit në dritën e këtij vendimi.
Ky aktgjykim dërgon një mesazh të qartë se gabimet e kryera në moshë të mitur nuk mund të pengojnë zhvillimin profesional dhe integrimin në sistemin e drejtësisë.