Nuk pati thuajse aspak punë, shpesh fërkonte dorezat, pasi skuadra kundërshtare vetëm sa largonte topat dhe nuk kishte asnjë synim për të shënuar, e megjithatë Unai Simon foli pas barazimit zhgënjyes të Spanjës me Kepin e Gjelbër.
“Ata kishin disa shanse në pjesën e parë, më e qarta prej tyre është ajo këndore në fund. Është një punë e shkëlqyer nga ekipi, por ne kemi pasur atë dëshirë për të shënuar një gol që vjen nga brenda. Loja është ajo që pamë të gjithë, të gjithë në zonën kundërshtare ishim mjaft mirë nga ana fizike, por nuk ishim të suksesshëm para portës. Plani i lojës nuk mund të qortohet për asgjë dhe duhet të ecim përpara me idenë e trajnerit.”
Më pas portieri nuk ka qortuar kundërshtarin që ka luajtur i gjithi në mbrojtje.
“Kupat e Botës janë të tilla. Kujtohuni si ka qenë fillimi i Kupës së Botës së kaluar me Kosta Rikën dhe krahasojeni me Kepin e Gjelbër, por nuk është kështu. Unë mendoj se Kepi i Gjelbër do t’u japë njerëzve diçka për të folur. Ata ishin shumë solidë në mbrojtje dhe në sulm ata kanë virtyte që i kanë munguar. Është një Kupë Bote, duhet të kesh të drejtë në zona, në grup ka një diferencë të caktuar gabimi, por tani duhet të fillojmë të korrigjojmë gabimet”.
Në fund në mesazhin që ka lënë për trajnerin është shprehur. “Ne vazhdojmë të këmbëngulim, të punojmë, ai lojtar para portës është ajo që na mungonte, nëse shënojmë, loja ndryshon, dhe do të ishte një lloj tjetër loje, nëse vërtet do të shënonim shpejt. Kjo na mungonte kjo dhe jam i sigurt se kjo skuadër do ta arrijë atë, sigurisht”, ka përfunduar numri 1 i portës së Spanjës./PanoramaSport