TIRANË- Në garën për drejtues qarqesh në Policinë e Shtetit, kanë shprehur interes shumë aplikantë. Mësohet se deri më tani kanë aplikuar mbi 35 kandidatë që kanë dorëzuar dokumentacionet për postet e 12 drejtuesve të qarqeve në Polici.
Pjesa më e madhe e aplikantëve mbajnë postet e nëndrejtorëve në Drejtoritë e qarqeve. Ndërsa sa i përket drejtuesve aktualë, deri më tani konfirmohet se kanë aplikuar:
Ardian Çipa, aktualisht drejtues i policisë së Gjirokastrës.
Alfred Elezaj, aktualisht drejtues i policisë së Lezhës.
Tonin Vocaj, aktualisht drejtues i policisë Tiranë.
Gjovalin Loka, aktualisht drejtues i Policisë Korçë.
Skënder Hitaj, aktualisht drejtues i policisë Durrës.
Ermal Muça, aktualisht drejtues i Policisë Vlorë
Lorenc Panganika, aktualisht drejtues i Policisë së Fierit.
Ndërkohë që ende nuk dihet se për çfarë drejtorie kanë aplikuar, atë aktualen që drejtojnë apo për në qarqe të tjera. Deri tani konfirmohet që nga drejtuesit aktualë nuk kanë aplikuar në garë drejtuesi i qarkut të Shkodrës, Edmond Sulaj, ai i Beratit, Kastriot Skenderaj.
Afati i fundit i aplikimeve është dita e sotme deri në orën 16:30, ku aplikantët duhet të dorëzojnë në Drejtorinë e Përgjithshme shprehjen e interesit për të marrë pjesë në garë./Radar.al