TIRANË– Soni Malaj një ndër këngëtaret më të njohura e të sukseshme të Shqipërisë gjatë rrugëtimit të saj në “FERMA VIP” ka folur edhepër lidhjen që ka pasur me Flor Mumajesin.
Artistja ka komentuar mbi fejesën me Florin ndërsa sëfundmi ka treguar detaje të tjera ku shton se presioni i vazhdueshëm mediatik ishte një nga arsyet kryesore që çoi në fundin e lidhjes së tyre.
Soni kujtoi periudhën kur ajo dhe Flori ishin të fejuar dhe çdo detaj i jetës së tyre private përfundonte në faqet e gazetave. Sipas saj, vëmendja e madhe e publikut dhe mediave krijonte një ngarkesë të vazhdueshme për çiftin.
“Dilnim në gazetë. Më sillnin gazetën familjarët dhe gjëja e parë që bëja ishte të shihja çfarë ishte shkruar për mua”, tha këngëtarja, duke shtuar se në një moment kishin vendosur madje të sajonin një ndarje për t’i shpëtuar interesit të madh mediatik.
Ajo rrëfeu se lajmi për ndarjen e tyre u përhap menjëherë, edhe pse ata vazhdonin të ishin bashkë, duke e bërë situatën edhe më të vështirë.
“Ne na është nxirë. Shkaku kryesor pse jemi ndarë ka qenë ky presion. Tani njerëzit janë mësuar me portalet, por atëherë mbeteshe në gazetë. Kur e kemi ridiskutuar më vonë, kuptuam se arsyeja ishte pikërisht presioni shumë i madh. Nuk dinim ta menaxhonim.”-u shpreh Soni Malaj./Radar.al