Detaje të reja kanë dalë në pah nga arrestimi i 2 shqiptarëve të Kosovës, Altin Pajaziti, 23 vjeç dhe Kadri Prushi, 53 vjeç.
Kujtojmë se pas marrjes së disa informacioneve për ardhjen e tyre në Shqipëri me qëllim trafikimin e armëve, policia I ka ndjekur që prej momentit që dyshja në fjalë ka kaluar kufirin në Morinë.
Forca të shumta policie kanë ndërhyrë menjëherë për të realizuar arrestimin e tyre në autostradë.
Pistoletat, me vlerë afro 10 000 euro, janë prodhim i ri dhe dyshohet se kanë përfunduar në duart e 2 të arrestuarve prej trafikimit nga një vend në tjetrin.
Njëra armë dyshohet e prodhimit belg dhe nga disa kërkime të bëra konsiderohet e veçantë me një çmim relativisht të lartë, jo si të pistoletave të zakonshme.
Gjithashtu u zbulua se Kadri Prushi ka qenë i dënuar në arrest me burg në Zvicër për trafik droge, ndërsa është i skeduar edhe për trafik armësh, nga vende të Europës, në Kosovë, Shqipëri e më gjerë.
Gjatë dëshmisë së tyre asnjëri prej tyre nuk ka treguar se ku do i shisnin armët.