PARIS– Lojërat Olimpike të këtij viti në Paris, kanë prodhuar shumë lajme për parregullsi gjithashtu edhe për rregulla të thyera nga pjesëmarrësit në “PARIS 2024”.
Sëfundmi, mediat e huaja kanë raportuar se mundësi egjiptian Mohamed Elsayed është arrestuar mëngjesin e sotëm nga policia franceze pasi akuzohet për ngacmim seksual. Elsayed dyshohet se kishte sulmuar një grua jashtë një kafeneje në zonën e Austerlitz në lagjen e 13-të të Parisit.
“Mundësi është vendosur në pranga, sepse dyshohet se ka prekur të pasmet e një klienteje në një kafene.”- deklarojnë autoritetet në Paris.
Pavarësisht se në fillim autoritetet nuk e zbuluan emrin, delegacioni egjiptian konfirmoi identitetin e mundësit si Mohamed Elsayed.
Në Lojërat e Parisit, atleti u eliminua në raundin e 16-të të mërkurën kundër azerit Hasrat Jafarov. Mundësi thuhet se ishte “plotësisht i dehur” kur u arrestua, sipas shtypit vendas. Komiteti Olimpik i vendit tha në një deklaratë të veçantë të premten se hapi një hetim për incidentin.