Ish- kreu i Bashkësisë Islame të Maqedonisë së Veriut, Sulejman Rexhepi botoi librin e tij me kujtime, përgjatë së cilit ka një dëshmi të rëndë kundër ish- presidentit të Shqipërisë, Ilir Meta.
Rexhepi dëshmon se si Ilir Meta përmes Fahri Balliut i ofroi një dekoratë të lartë për 300 mijë euro.
Ish- kreu i Bashkësisë Islame të Maqedonisë së Veriut e kishte të nevojshme dekoratën për shkak të imazhit të tij pro grupeve radikale islame.
Ai tregon me imtësi detajet se si i janë ofruar dhe për mënyrën se si duhen paguar këstet e dekoratës ndaj Fahri Balliut. “Nëse e do nevoja Ilir Meta do të vie edhe në Shkup dhe në sy të shkijeve do të ma dorëzojë dekoratën presidenciale. Çmimi për blerjen e dekoratës tashmë ishte caktuar, fiks 300 mij euro, kurse ceremonia spektakolare që do të përgatitej me këtë rast do të kushtonte minimum edhe nja 120 mij euro!”
Në libër ai tregon se si Fari Balliu dëshironte ta shmangte Ilir Metën nga kontakti direkt.
“Fahri Balliu më tërhoqi në një kënd dhe më tha që, mos të rri e mos ta takoj shum Ilir Metën, sepse, edhe ashtu është shumë i dyshimtë. Mileti do të pyesi se, çfarë i lidhë Ilir Metën me Sulejman Rexhepin? Prej kur këta dy shokë? Edhe ashtu është nën llupën amerikane si njeri më i korruptuar në vend, prandaj, gjithçka që më duhet prej tij duhet të shkojë përmes Ferdinandit dhe meje, më tha Balliu” thekson Rexhepi.
Në libër ka dhe një dëshmi tjetër se si një diplomat shqiptar dhe një tjetër gazetar që ndjek aktivtetet fetare i kanë shitur një dekoratë nga ish- presidenti Trump, dhe kjo për t’i rregulluar “imazhin”.
Rrëfimi i ish- kreut të Bashkësisë Islame të Maqedonisë Veriore, ngjan tepër i sinqerte dhe i mbushur me detaje.
Ky është një rast i pastër për SPAK dhe për dosjen nën hetim të Ilir Metës.
