Një tjetër zhvillim tronditës ka dalë në dritë në skandalin e madh të basteve që ka përfshirë futbollin italian. Sipas Corriere della Sera, në rrjetin e basteve të paligjshme është përfshirë edhe djali i legjendës së Milanit dhe Juventusit, Andrea Pirlo.
Të dhëna nga hetimet zbulojnë se Nicolo Fagioli, një nga emrat kryesorë të skandalit, përmes një bisede në WhatsApp me një mik të tij, Marinoni, ka përmendur edhe djalin e Pirlos. Fagioli thuhet se ka treguar se:
“Niccolo donte të dilte nga borxhi, por babai i tij e mori vesh dhe ia bllokoi llogarinë derisa mbushi 18 vjeç. Të kesh 30 mijë euro borxh në moshën 17-vjeçare është shumë e rëndë.”
Kjo deklaratë ka nxitur dyshime të mëdha rreth përfshirjes së të birit të Pirlos në këtë rrjet të paligjshëm.
Ndërkohë, Prokuroria e Milanos vazhdon hetimet për një listë gjithnjë e më të gjatë futbollistësh, mes tyre edhe emra të njohur si Leandro Paredes, Angel Di Maria, Weston McKennie,
Kjo tregon se skandali është shumë më i thellë dhe i përhapur se sa ishte menduar fillimisht, duke tronditur themelet e Serie A dhe futbollit italian në tërësi.