TIRANË– Kryeministri Edi Rama ditën e sotme mori pjesë në aktivitetin e “Rijetëzimit të Sheshit Nënë Tereza”, ku u prezantua edhe projekti, si një oaz i gjelbër i dedikuar librit dhe një hapësirë publike e re.
Numri një i qeverisë teksa foli për shumë projekte në Tiranë e mbylli fjalimin e tij duke thënë: Ky do të jetë kryeqyteti më i jashtëzakonshëm i rajonit dhe një ndër më tërheqësit e Europës. Do të jetë një qytet me arsye të forta për t’u vizituar. Siç thotë Erion Veliaj, që e ka mësuar nga unë: ‘Ditët më të mira janë përpara.
Ndër të tjera Rama foli për transformimin e kryeqytetit dhe projektet në pritje dhe festivalin që do mbahet në qershor.
“Tirana tani është bërë vendi ku po ndodh pa shumë bujë gjithçka, por që është e ngjashme me atë që ndodhi në Nju Jork në vitet 30-të. Me një rrjet të gjerë arkitektësh të njohur në bot, madje dhe me nobel të arkitekturës, që janë angazhuar me projekte, por kryesisht në Tiranë. Në qershor kemi planifikuar edicionin e parë të festivalit “Bukë dhe zemër”, me moton ‘më sill pak krip të lutem’, një nismë që e kanë edhe këta arkitektë, qëllimi është që ta bëjmë të përvitshëm. Që do ketë pjesë të dytë këtë vit, mbase në Elbasan dhe me pjesëmarrjen edhe të dashamirësve edhe nga jashtë vendit. Janë dhe disa projekte të tjera që janë rrugës.”- deklaroi Rama./Radar.al