Një aksident i trefishtë ka ndodhur pasditen e 8 tetorit në qytetin e Beratit, në rrugën Antipatrea.
Nga raportimet e para mësohet se një automjet tip Opel me targa të huaja ka goditur një tjetër makinë tip Volkswagen, e cila ndodhej në semafor.
Nga goditja e fortë është dëmtuar jo vetëm mjeti Volkswagen, por edhe një makinë tjetër tip Mercedes-Benz që ndodhej para.
Si pasojë e këtij aksidenti, një nga pasagjerët që ndodheshin në makinën tip Opel është dërguar me urgjencë drejt Spitalit Rajonal Berat pasi mësohet se ka marrë plagë të lehta në trup.
Në vendngjarje shkuan efektivët e policisë rrugore të cilët do zbardhin shkaqet e këtij aksidenti.