MILANO– Policia italiane ka arrestuar një 45-vjeçar shqiptar pasi ka plagosur rëndë djalin e të dashurës së tij ukrainase. Mësohet se kjo ngjarje ka ndodhur pas një debati që ka nisur mes shqiptarit dhe 18-vjeçarit në Novate Milanese.
I riu raportohet se është qëlluar me plumb në qafë nga 45-vjeçari dhe ndodhet në gjendje të rëndë në spitalin Niguarda në Milano.
Shqiptari u arrestua për tentativë vrasje dhe armëmbajtje pa leje. Bazuar në hetimet paraprake, të shtënat ndodhën pak pas orës 03:30 të mëngjesit.
18-vjeçari u godit nga një plumb në qafë, u transportua në spital ku iu nënshtrua menjëherë një operacioni.
Nuk dihet nëse në momentin e debatit ka qenë e pranishme edhe nëna e të riut, 39-vjeçarja ukrainase. Në vendin ku ndodhi ngjarja u gjet një gëzhojë, nga arma e përdorur nga 45-vjeçari, e cila rezulton e vjedhur në vitin 2013 në Sassuolo./RaiNews.it./Radar.al