Një shqiptar është dënuar me tre vite burg në Belgjikë, pas përfshirjes së tij në një vjedhje të dhunshme në Grimbergen më 7 dhjetor 2020. Ai u identifikua bazuar në ADN-në e gjetur në një elektrik dore të braktisur, që kishte mbetur nga dy autorët gjatë arratisjes.
Ngjarja ndodhi kur një i ri nga Grimbergen dëgjoi thyerjen e xhamit në apartamentin e tij dhe zbuloi një hajdut në dhomën e gjumit. Kur e përpoqi ta ndalonte, u sulmua nga një person i dytë, ndërsa dy autorët u larguan dhe u bënë të padukshëm për autoritetet për një kohë të gjatë.
Elektriku i dorës i braktisur përmbante ADN-në e shqiptarit, gjë që çoi në identifikimin e tij. Ai u thirr të paraqitej në gjykatë në shtator 2021, por nuk u paraqit dhe u dënua në mungesë. Së fundmi, shqiptari u arrestua në Belgjikë dhe apeloi dënimin, duke pretenduar se nuk kishte lidhje me ngjarjen dhe duke theksuar se kishte një grua shtatzënë dhe dy fëmijë.
Megjithatë, gjykata e konsideroi ADN-në si provë të mjaftueshme të përfshirjes së tij në vjedhje dhe konfirmoi dënimin prej tre vjetësh.