Në një atmosferë festive dhe mbështetje të fuqishme nga simpatizantët e Partisë Socialiste, Kryeministri Edi Rama ka mbajtur fjalimin e tij të fitores në Sheshin “Skënderbej” të Tiranës, i shoqëruar nga bashkëshortja Linda Rama, fëmijët Gregori dhe Zaho, si dhe thjeshtra e tij.
Fjalimi i Ramës erdhi pas një fitoreje të rëndësishme për Partinë Socialiste të zgjedhjeve të 11 majit, ku PS ka siguruar deri në këtë fazë të numërimit 83 mandate, ndërkohë që në mesin e turmës ishin të pranishëm ministra, bashkëpunëtorë dhe përfaqësues të lartë të PS-së.
Në një atmosferë ngazëllyese, Rama theksoi se ky rezultat ishte dëshmi e përkrahjes së madhe që mori nga populli shqiptar, duke nënvizuar se “Shqipëria zgjodhi korin tonë”.
Kryeministri shfrytëzoi këtë moment për të reaguar ndaj akuzave të opozitës, duke deklaruar se ky rezultat është një shenjë e qartë e besimit që qytetarët kanë në qeverisjen dhe vizionin e Partisë Socialiste.