Shqipëria ka hyrë në garën e “Eurovision 2025” me grupin “Shkodra Elektronike” dhe këngën e tyre “Zjerm”, duke konkurruar në gjysmëfinalen e parë të këtij festivali muzikor të madh evropian. Mbrëmjen e martë, 15 shtete do të konkurojnë, por vetëm 10 prej tyre do të kualifikohen për finalen që do të mbahet të shtunën. Për të siguruar një vend në finale, Shqipëria duhet të marrë një vlerësim të lartë nga jurinë profesionale dhe publikun, që kanë peshë të barabartë prej 50% në rezultatin përfundimtar.
Shqiptarët nga diaspora mund të votojnë për ta mbështetur grupin “Shkodra Elektronike”. Votimi do të hapet pas performancës dhe është i mundur nga qytetarët që jetojnë në shtetet që marrin pjesë në natën e parë gjysmëfinale. Ata që janë në Islandë, Poloni, Slloveni, Estoni, Spanjë, Ukrainë, Suedi, Portugali, Norvegji, Belgjikë, Itali, Azerbajxhan, San Marino, Holandë, Kroaci, Zvicër dhe Qipro mund të votojnë telefonikisht duke dërguar kodin “12” për Shqipërinë.
Për shqiptarët që jetojnë në Kosovë ose jashtë këtyre shteteve, mund të votojnë online në faqen zyrtare të Eurovision-it (www.esc.vote). Pjesëmarrësit mund të hyjnë në platformën gjatë periudhës së votimit dhe të zgjedhin Shqipërinë si votën e tyre.
Mbështetja e publikut është thelbësore për të ndihmuar “Shkodra Elektronike” që të arrijë finalen e Eurovision 2025, e cila do të zhvillohet më 17 maj në Bazel të Zvicrës.