TIRANË– Avokati i njohur Gylsen Zhllima teksa ka qenë i ftuar në Radar.al ka komentuar aktualitetin politik në Partinë Demokratike.
Zhllima thotë për Radar.al se deputeti demokrat Flamur Noka, i ka dhënë firmën një komunisti për të kandiduar.
“Ti pse duhet ta përjashtosh, bullizosh, të vendosësh disa kufizime. Kur nga ana tjetër, zoti Flamur Noka në vitin 2023 ka dhënë firmën e tij si deputet që zoti me mbiemrin Marko Dajti të kandidojë për Kryetar Bashkie të Tiranës, që është fronti i majtë. Ti le një komunist të kandidojë, në 2023, e di pse është bërë kjo, u mendua skenar i Hysni Milloshit që ishte aso kohe Sekretar i Partisë së Punës, Partisë Komuniste, pra e vendosën këtë që ky të ishte një rrezik për Erjon Veliajn. Dështuan, dhe ti i dhe këtij personi që të mos mbledhi 3 mijë firma për të gjithë Bashkinë e Tiranës dhe këtë individin që e ke brenda Partisë tënde e përjashton dhe tjetrit i jep firmën tënde që është i majtë.”-u shpreh avokati./Radar.al