FIER-Policia e Fierit ka reaguar me një njoftim zyrtar sa i takon shoqërimit në Komisariat të deputetit të Partisë Demokratike, Fation Semanjaku.
Në sqarimin mbi situatën që ka bërë policia bëhet me dije se Semanjaku është shoqëruar pasi ka kundërshtuar heqjen e posterit nga qendra e qytetit të Fierit.
NJOFTIMI I PLOTË:
Reagim i Drejtorisë Vendore të Policisë Fier
Në lidhje me një lajm të publikuar për shoqërimin në Komisariat të shtetasit F. S. (Kandidat për deputet i subjektit politik Partia Demokratike), sqarojmë se:
Rreth orës 18:50, Drejtori i Policisë Bashkiake ka njoftuar te Salla Operative e DVP Fier se një subjekt politik ka vendosur poster në qëndër të qytetit, në kundërshtim me ligjin dhe po kundërshton forcat e Policisë Bashkiake për heqjen e këtij posteri.
Pas njoftimit të marrë, në vendngjarje kanë shkuar shërbimet e Policisë të cilat për të parandaluar përshkallëzimin e konfliktit, kanë shoqëruar personin që po kundërshtonte policinë bashkiake, kanditatin për deputet të Partisë Demokratike, shtetasin F. S., i cili është lënë i lirë menjëherë.
Drejtoria Vendore e Policisë Fier siguron subjektet politike dhe qytetarët se shërbimet e Policisë janë të angazhuara maksimalisht për të parandaluar e goditur paligjshmëritë si dhe për të garantuar rendin e sigurinë./Radar.al
Shoqërimi i kandidatit demokrat/ Bardhi i tensionuar në Komisariatin e Fierit
Erdhi nga Amerika/ Policia ndalon kandidatin e Partisë Demokratike në Fier