Një ngjarje e rëndë ka ndodhur së fundmi Janinë, ku një 45-vjeçare shqiptare, e cila kishte bërë denoncim ndaj bashkëshortit të saj për dhunë në familje, ka përjetuar një tmerr.
Pasi e kuptoi se burri i saj e gjeti vendin ku ajo qëndronte shqiptarja u hodh nga dritarja e spitalit.
45-vjeçarja, sipas mediave greke, ndodhet në spitalin e Janinës, jashtë rrezikut, por mësohet se është dëmtuar goxha.
Deri më tani thuhet se më 11 Shkurt, shqiptarja ka kontaktuar me autoritetet dhe ka denoncuar bashkëshortin e saj, me të cilin ka dy vajza, për dhunë në familje.
Policia u vendos në kërkim të tij, ndërsa i sugjeruan 45-vjeçares që të instalonte në celularin e saj aplikacionin e butonit panik dhe ta transferonin në një ambient të posaçëm.
Por, gruaja nuk pranoi dhe u përgjigj se do të preferonte të shkonte të qëndronte me vajzat e saj në një hotel në Janinë.
Ngjarja e frikshme ka ndodhur ditën e sotme, teksa gruaja ishte në dhomë me vajzat e papritmas kuptoi se bashkëshorti i saj kishte gjetur hotelin ku po qëndronin dhe se ishte në recepsion duke kërkuar që të fliste me të.
Meidat greke bëjnë me dije se ajo u frikësua aq shumë sa vendosi të hidhej nga dritarja.
Vajza e çiftit, e cila ndodhej në dhomë kur 45-vjeçarja u hodh, deklaroi se nuk ka pasur asnjë incident dhune nga ana e babait të saj, por vetëm kërcënime.
“Jo, nuk ka pasur dhunë Vetëm një kërcënim nga babai dhe nëna ime u tmerrua. Ne jetonim të gjithë së bashku, por asgjë nuk kishte ndodhur dhe as nuk dinim asgjë më parë. Është një situatë shumë e vështirë për të gjithë ne dhe nëna ime nuk është mirë”, thotë vajza e 45-vjeçares, e cila ndodhet me nënën në spital.