Një automjet zjarrfikës u përfshi nga flakët gjatë një operacioni për shuarjen e zjarrit në fshatin Jaran, në njësinë administrative Bajzë, Malësi të Madhe.
Ekipi po përpiqej të izolonte vatrën, por era e fortë përshpejtoi përhapjen e flakëve, duke rrezikuar automjetin. Fatmirësisht, asnjë zjarrfikës nuk u lëndua.
Në ndihmë erdhën tre mjete të tjera zjarrfikëse, të cilat kontrolluan situatën dhe shmangën përhapjen e zjarrit në zonë.
Autoritetet po hetojnë për shkaqet e zjarrit, ndërsa Malësia e Madhe mbetet bashkia me më shumë vatra zjarri në Qarkun e Shkodrës.