Bashkëshorti i Rudina Gërdanit, edukatores së arratisur pasi akuzohet për dhunë ndaj të miturve në kopshtin Gledis në Astir ku ajo punonte, është në hetime nga policia, pas kërcënimit që dyshohet se ai i ka bërë babait të 3 vjeçarit që u dhunua.
Lorenc Rrapa, babai i të miturit bëri denoncimin në polici për edukatoren dhe rrëfeu në media se ishte kërcënuar nga bashkëshorti i edukatores që nuk është gjetur ende nga policia.
“Specialistët për Hetimin e Krimit në Komisariatin e Policisë Nr.6 proceduan në gjendje të lirë shtetasin I. G., 63 vjeç (bashkëshorti i shtetases R. G, e shpallur në kërkim pasi dyshohet se ka keqtrajtuar një të mitur, në kopshtin ku punonte si edukatore). Procedimi nisi pasi dyshohet se nëpërmjet telefonit ky shtetas ka kanosur shtetasin L. Rr (babai i të miturit).
Materialet procedurale i kaluan Prokurorisë së Tiranës, për veprime të mëtejshme”, bën me dije policia në një njoftim për mediat.
“Momenti i fillimit ka qenë data 20. Kur u nisëm për të çuar Priamin në kopsht ai nuk pranoi. Unë vendosa ta bëja ditën pushim që të qëndronim me familjen. Në darkë kur nusja i bëri dush Priamit dhe shikon të krahu i majtë ishte pak i nxirë. Ai i tha “mos e prek vetëm puçe, më ka kapur Rudi”. Unë e dëgjova dhe e pyeta prapë kush e kishte kapur ai më tha prapë Rudi”, tha Lorenc Rrapa.
Më vonë ata janë përgatitur për të fjetur gjumë ai e ka pyetur sërish 3-vjeçarin.
“I thash “Priam të lutem më trego çfarë ka ndodhur” më tha, “Më kapi Rudi. Unë i thash puçe Priamin, Rudi më tërhoqi te dora fort”.
Për rrjedhojë unë u acarova dhe vajta të takoja pronarin dhe drejtoreshën. U dërgova një mesazh “Shpresoj mos të jetë e vërtet çfarë ka ndodhur me Priamin, ai ndihet i dhunuar thotë më ka goditur Rudina”. Më tha “Shpresoj mos të jetë e vërtetë, po do shikojmë kamerat. Të nesërmen kur shkuam në kopsht Priami nuk pranoi të futej brenda, shkuam në një lokal dhe pamë kamerat. Aty konstatova dhunën. Brenda një afati kohor rreth 2 orë e 30 fëmijë janë dhunuar 2 fëmijë. Gjatë vëzhgimit të kamerave kam parë tre momente dhune.
Pasi ka parë shenjat e dhunës dhe siguroi pamje filmike nga kamerat e kopshtit ku dëshmohet se edukatorja ka ushtruar dhunë ndaj 3-vjeçarit, Lorenca Rrapa kreu denoncim në polici.
Pas kallëzimit në polici, edukatorja është hequr nga puna nga ana e pronarit.