Dy shqiptarë që dhunuan keq një person duke i shkaktuar gjakderdhje në tru janë burgosur për dhjetë vjet gjithsej.
Lulzim Sinimati, 27 vjeç dhe Fatos Kertolli, 36 vjeç, pretenduan se vepruan në vetëmbrojtje kur kryen sulmin në një bar në Peterborough.
Gjykata i shpalli ata fajtorë për shkaktimin e lëndimeve të rënda trupore.
Sipas të dhënave nga gjyqi, ata ishin në një pub në Broadway, kur një sherr nisi rreth orës 3 të mëngjesit të 20 korrikut.
Një burrë mbeti me lëndime të lehta në fytyrë, ndërsa i dyti u shtrua në spital me gjakderdhje në tru dhe fraktura në shpinë dhe fytyrë.
Pamjet e kamerave tregonin të plagosurin duke u goditur vazhdimisht me grushte në fytyrë para se të binte në dysheme, ku më pas goditej me shkelma në trup në mënyrë të përsëritur.
Shqiptarët dolën në Gjykatën e Crown të Kembrixhit të mërkurën (19 shkurt), ku Sinimati u burgos për katër vjet e gjysmë, ndërsa Kertolli u burgos për pesë vjet e gjysmë.