Një person ka mbetur i plagosur me thikë në një lokal në lagjen “Çelepias” në qytetin e Beratit. Sipas informacioneve nga policia, autori i identifikuar Dhane Fatiu ka hyrë në lokal dhe ka qëlluar me thikë në bark punonjësin e këtij lokali, shtetasin Todi Biçaku.
I plagosuri është transportuar drejt Spitalit Rajonal Berat, autori është larguar nga vendngjarja. Nuk dihen arsyet e kësaj plagosjeje, teksa dyshohet se ka pasur një konflikt të mëparshëm mes autorit dhe të plagosurit.