Një aksident tragjik i ka marrë jetën ditën e sotme infermieres Arta Çera, e cila punonte në pavionin e reanimacionit të Spitalit Rajonal të Dibrës. Pavarësisht përpjekjeve për ta shpëtuar, dhe dërgimit të saj në Spitalin e Traumës në Tiranë, Arta nuk mundi t’i mbijetonte plagëve të rënda.
Lajmi ka tronditur jo vetëm familjarët dhe miqtë, por edhe kolegët e saj të cilët e kujtojnë si një profesioniste të përkushtuar dhe shembull të humanizmit.
Në një mesazh ngushëllimi të shpërndarë nga Spitali Rajonal Dibër thuhet:
“Me hidhërim të thellë njoftojmë se si pasojë e një aksidenti të rëndë automobilistik është ndarë nga jeta kolegja jonë e dashur dhe e përkushtuar, Arta Çera. Si një infermiere e shkëlqyer në pavionin e reanimacionit, ajo ishte një shembull i vërtetë i përkushtimit, humanizmit dhe profesionalizmit.”
Stafi i Spitalit i shpreh ngushëllimet më të sinqerta familjes, të afërmve dhe gjithë atyre që e njohën dhe e deshën.
Qoftë i paharruar kujtimi i saj!