KINË– Mes një situate të vështirë të virusit që po përhapet në Europë, por edhe në kontinente të tjera. Mediat e huaja kanë shkruar se Kina ka forcuar kontrollin kufitar për të parandaluar hyrjen e virusit mpox në vend.
Më herët është njohur si lija e majmunit, mpox është një sëmundje virale që mund të përhapet përmes kontaktit të ngushtë, gjithashtu edhe përmes materialeve të kontaminuara si çarçafët, veshjet dhe gjilpërat, ka njoftuart kështu OBSH.
Administrata e Përgjithshme e Doganave të vendit njoftoi masa më të rrepta mbikëqyrjeje për njerëzit dhe mallrat që vijnë nga rajonet e prekura nga mpox. Të gjithë udhëtarët që kanë simptoma të tilla si ethe, dhimbje koke, dhimbje muskujsh ose skuqje duhet të raportojnë gjendjen e tyre pas hyrjes.
Masat do të qëndrojnë në fuqi për gjashtë muaj. Qendrat e Afrikës për Kontrollin dhe Parandalimin e Sëmundjeve (Afrika CDC) e shpallën të martën shpërthimin e mpox një “Emergjencë të Shëndetit Publik të Sigurisë Kontinentale”.
Një ditë ma pas OBSH e shpalli situatën mpox një “urgjencë të shëndetit publik me shqetësim ndërkombëtar”. Që nga fillimi i vitit 2024, mbi një duzinë vende afrikane kanë raportuar sëmundjen, me Republikën Demokratike të Kongos që përbën më shumë se 90% të rasteve të raportuara.
Një person i infektuar me mpox zhvillon simptoma brenda 2 deri në 19 ditë pas ekspozimit, sipas profesionistëve shëndetësorë./CGTN