Ushtria izraelite ka njoftuar se rreth 480,000 palestinezë kanë lënë Qytetin e Gazës që nga fundi i gushtit, duke u zhvendosur drejt pjesës jugore të Rripit të Gazës, në pritje të përshkallëzimit të bombardimeve dhe luftimeve kundër Hamasit.
“Vlerësimi është rreth 480,000,” tha një zëdhënës ushtarak për AFP-në, duke iu përgjigjur pyetjes për numrin e të zhvendosurve. Sipas OKB-së, popullsia totale e Qytetit të Gazës ishte rreth një milion banorë.
Megjithatë, Hamasi dhe Mbrojtja Civile e Rripit të Gazës e konsiderojnë këtë shifër të ekzagjeruar, duke theksuar se të dhënat e ushtrisë izraelite nuk përputhen me vlerësimet e tyre.