Reperi i njohur Ledri Vula ka ndarë disa detaje nga jeta e tij personale në një deklaratë që ka ngjallur mjaft interes në publik. Ai ka folur për situatën e tij me ish partneren Sara Hoxha, ndarjen dhe bashkëprindërimin.
“Ka gjëra të pashpjegueshme. Ndodhin sendet, jeta. Nuk jam as i pari dhe as i fundit. Me rëndësi është si e vazhdon,” ka thënë Ledri.
Ai theksoi se, pavarësisht çdo gjëje, mbeten miq dhe bashkëpunojnë për mirëqenien e vajzës së tyre, Poin.
“Jemi shokë akoma me Saren, çdo gjë e bëjmë për Poin. Nuk e kemi menduar si erdhën gjërat.”
Biseda e plotë:
Si ka qenë eksperienca jote familjare?
Ledri: Eksperiencë shumë e bukur, deri tek lindja e Poit, nëse një ditë është më e veçanta, është lindja e Poit, vitet që kanë fluturu më shpejt.
Si mendon pse mund të vijë një ndarje?
Ledri: Nuk e di, ka gjëra të pashpjegueshme, ndodhin gjërat, jeta, s’jam as i pari, as i fundit, me rëndësi është si e vazhdon, kemi një raport shumë të mirë, jemi shokë ende me Sarën dhe gjithçka bëjmë për Poin, ajo qysh ka ardh deri aty as e kemi mendu, as e kemi fol me tregu drejt, por që ka ardh.
Si janë marrëdhëniet me vajzën?
Ledri: Me vajzën marrëdhënie të shkëlqyeshme, jam shumë i lumtur që jam në emision me ty, por mezi po pres me ik se e kam në Tiranë, me ik me e taku. Vij e marr në Tiranë, rri një javë, merremi vesh.