Kryeministri Edi Rama i ka dhënë fund konfuzionit mbi mbështetjen financiare për pensionistët, duke sqaruar se rritja e pensioneve dhe shpërblimi i fundvitit janë dy politika të veçanta.
“Është thënë se vitin e ardhshëm do të shpërndahet mujori i bonusit të Vitit të Ri. Kjo është e pavërtetë,” deklaroi Rama para pensionistëve. “Bonusi i fundvitit do të jepet njësoj si vitin e shkuar, duke nisur nga fillimi i dhjetorit, si mbështetje për festat.”
Ndërkohë, ai konfirmoi se nga janari i vitit 2026 do të nisë një skemë e re rritjeje të mbështetjes për pensionistët, me një formulë progresive:
• Janar 2027: mbështetja do të jetë dyfishi i asaj të janarit 2026
• Janar 2028: mbështetja do të jetë trefishi i nivelit të vitit 2026
Sipas Ramës, ky plan synon të përmbushë angazhimet e bëra gjatë fushatës për rritjen graduale të të ardhurave të pensionistëve.