Kryeministri Edi Rama ka ndarë së fundmi në rrjetet sociale pamje nga punimet që po bëhen për asfaltimin e rrugës që lidh Urën e Bilçës me fshatin Drobonik.
Ky investim synon të përmirësojë ndjeshëm infrastrukturën rrugore në zonë, duke lehtësuar lëvizjen për banorët lokalë, duke përkrahur aktivitetin bujqësor dhe duke krijuar mundësi të reja për zhvillimin e turizmit rural.
Rruga pritet të forcojë lidhjet mes Beratit dhe pjesës jugore të vendit, si dhe të përmirësojë aksesin për fshatrat përreth. Kryeministri e ka përshkruar projektin si një “urë zhvillimi” që do të sjellë përfitime konkrete për komunitetin lokal dhe ekonominë rajonale.
Postimi i kryeministrit Edi Rama:
MIRËMËNGJES
dhe me pamjet nga përgatitjet për fazën e asfaltimit të rrugës lidhëse mes Urës së Bilçës dhe Drobonikut, një projekt i shumëpritur që nuk është thjesht një rrugë në hartë, por një urë zhvillimi që rrit aksesin për fshatrat përreth, mbështet bujqësinë dhe hap një derë të re për fluksin turistik që vjen nga Jugu drejt Beratit dhe anasjelltas, ju uroj një javë të mbarë
Radar.al