TIRANË– Kryeministri Edi Rama ka deklaruar se nuk mund të flitet për rritje të korrupsionit në Shqipëri kur sipërmarrësit paguajnë taksa të larta.
Gjatë një takimi me sipërmarrësit në vend, shefi i qeverisë u shpreh se kur korrupsioni ishte më i lartë, biznesmenët paguanin shumë më pak taksë.
Ai ka folur për integrimin e vendit në BE, kryeministri theksoi se Bashkimi Europian është proces transformimi, i cili nuk vërehet vetëm me anë të letrave por vërehet në realitet.
“Bashkimi Europian është proces transformimi, ato hapa që komisioni europian na certifikon, nuk janë letra, por transformimi i realitetit. Ata që flasin për një Shqipëri të kapur për fyti nga korrupsioni, janë kapur në fytin e tyre nga mllefi ndaj suksesit. Ata që flasin për korrupsionin që qenka rritur duhet t’ju dëgjojnë juve, s’mund të rritet korrupsioni kur paguan 14 mln euro taksë. Kur korrupsioni ishte më i lartë, ti paguaje shumë më pak taksë. 14 mln euro taksë me korrupsion sikur nuk shkojnë bashkë.”-tha Rama./Radar.al