Ditën e sotme kryedemokrati Sali Berisha ka reaguar menjëherë pasi kryeministri Edi Rama u shpreh se procedura për mbylljen e TikTok në telefonat SMART përsa i përket shqiptarëve, përfundoi ditën e sotme.
Gjatë konferencës së sotme zhvilluar me gazetarët, Berisha hapi në celularin llogarinë e tij zyrtare në TikTok, duke bërë me dije se platfomra është akoma funksionale.
Më tej ai u shpreh se të rinjtë kanë mundësinë që të përdorin platformën në fjalë me VPN.
“TikTok është në rregull sepse unë kam shkarkuar një VPN, ai e përmbush funksionin,. Por kjo do të hyjë në histori si ditë e zezë e censurë, si një akt madhor i censurës. Të gjithë të rinjtë të shkarkojnë VPN-në, të vazhdojmë betejën tonë kundër censurës”, tha Berisha.