Qeveria ka ndryshuar mënyrën e financimit për maturantët që do të zgjedhin të studiojnë në degët e konsideruara me prioritet kombëtar.
Nëse për të përfituar bursën sa paga minimale mjafton mesatarja që duhet për të hyrë në shkollë të lartë, për ta mbajtur atë të plotë në vitet në vijm studentët duhet të arrijnë mesatare mbi 8.
“Kemi vendosur të heqim kriterin e mesatares 8.5 për të gjitha ata që përfitojnë bursa, por duke plotësuar të gjithë ato kriteret e tjera bazë për të hyrë në shkollë si psh mësuesia që ka mesatare 7 dhe kemi hequr dhe kriterin që duhet ta ruaj mesataren gjatë viteve të studimeve.”shprehet Evis Kushi, ministrja e arsimit.
Kur ajo zbret nga 6.5 deri në tetë studentët përfitojnë vetëm 60% të vlerës së bursës dhe nëse nota është deri në 6.5% mbështetja financiare ulet në 30%.
Kështu parashikon vendimi i publikuar në fletoren zyrtare.
Vendimi i qeverisë nuk prek të rinjt që aktualisht po studiojnë në një prej degëve prioritare dhe hyn në fuqi vitin e ri akademik.