Diagnoza që kanë përshkruar mjekët e QSUT për vdekjen e Gerti Bogdanit është arrest kardiak respirator.
Mjekët u përpoqën për rreth një orë që ta shpëtonin 44-vjeçarin përmes aparaturave, por ai nuk ia doli dot.
Mësohet se ai nuk ka pasur sëmundje apo probleme kardiovaskulare, ndërsa pritet autopsia që do të nxjerrë shkakun se pse ka pësuar arrest kardiak.
Mësohet se ish deputeti ka pasur tre ditë më parë temperaturë, por nuk dihet nëse kjo ka ndikuar tek përkeqësimi i shëndetit të tij deri në humbje jete.
Radar.al mëson se Bogdani ndodhej paraditen e të mërkurës në një konferencë në hotel Rogner me dy miq të tij amerikan.
Papritur ai nuk është ndjerë mirë dhe është larguar për në tualet, por vonesa ka shkaktuar shqetësim te dy miqtë e tij, të cilët kur kanë shkuar e kanë gjetur pa ndjenja.