TIRANË– Sot nga protesta para Bashkisë së Tiranës, demokrati Belind Këlliçi është shprehur se protesta e opozitës dhe qëndresa e tyre para bashkisë së Tiranës do të vazhdojë.
Më tej ai thotë se drejtësia po vepron me dy standarde, ndërsa duke u ndalour edhe tek Berisha, ku sipas tij lideri i opozitës mbahet në arrest pa asnjë provë.
“Si ka mundësi në KLSH në raportin e 2019 evidentohet taksa e 3%, dilni dhe jepni përgjigje ku kanë shkuar këto para. Mbase mund të pyesni Fatmir Xhafën se mund t’ju japë ai përgjigjen. Ku është intelektualizmi në vjedhjen e inceneratorit të Tiranës. Kemi paguar 132 milionë euro dhe Tirana është qyteti më i pisët i Evropës. Si ka mundësi që ky njeri vjedh qytetin e Tiranës dhe qëndron në zyrë ? Si ka mundësi që kryetari i opozitës për një vepër që akuzohet padrejtësisht pa asnjë provë të ndodhur 20 vite më parë, mbahet në arrest se mund të prishë provat.Ky është standardi i Altin Dumanit, por unë këtë drejtësi nuk e dua. Dua të ardhmen e këtij vendi. Nëse mendojnë se na kanë stepur e kanë gabim. Ne do vazhdojmë protestën dhe qëndresën.”-deklaroi Belind Këlliçi.
LEXO EDHE: Nuk i ndal as shiu/ Nis protesta e opozitës para Bashkisë Tiranë