Ambasada e Shteteve të Bashkuara në Tiranë ka paralajmëruar qytetarët amerikanë lidhur me protestën që pritet të organizojë Partia Demokratike e Shqipërisë ditën e enjte, më 12 mars, përpara Kuvendi i Shqipërisë.
Në një njoftim zyrtar, ambasada u bën thirrje shtetasve amerikanë të shmangin zonat ku do të zhvillohet protesta, të qëndrojnë vigjilentë dhe të ndjekin udhëzimet e autoriteteve vendase, për shkak të mundësisë së përplasjeve dhe bllokimeve të trafikut.
Sipas njoftimit, demonstrata është planifikuar të nisë në orën 10:00, ndërsa protestuesit pritet të mblidhen pranë ndërtesës së Parlamentit në Rrugën George W. Bush. Ambasada paralajmëron se protesta mund të zgjerohet në rrugët dhe institucionet qeveritare përreth, duke shkaktuar ndërprerje të qarkullimit dhe devijime të trafikut.
Autoritetet amerikane theksojnë gjithashtu se pritet prani e shtuar e forcave të policisë, ndërsa edhe personeli i ambasadës është këshilluar të shmangë zonën e demonstratës.
“Edhe pse protestat dhe tubimet e mëdha shpesh fillojnë në mënyrë paqësore, situata mund të ndryshojë shpejt”, thuhet në njoftim.
Ambasada rekomandon që qytetarët amerikanë të tregojnë kujdes, të monitorojnë mediat lokale për zhvillimet më të fundit dhe të kenë gjithmonë një plan emergjence ose strategji daljeje, duke mbajtur një profil të ulët gjatë lëvizjes në qytet.
POSTIMI I PLOTË
Një demonstratë është planifikuar të zhvillohet të enjten, më 12 mars 2026, në orën 10:00 të mëngjesit. Protestuesit planifikojnë të mblidhen pranë ndërtesës së Parlamentit në Rrugën George W. Bush. Protesta mund të zgjerohet në zonat përreth dhe në ndërtesat qeveritare. Pritet një praninë e shtuar e policisë, bllokime rrugësh dhe ndërprerje të trafikut në orët para dhe gjatë protestës. Personeli i Ambasadës së SHBA-së është këshilluar të shmangë demonstratën. Monitoroni mediat lokale dhe ndiqni udhëzimet e autoriteteve të zbatimit të ligjit për informacionin më të fundit.
Edhe pse protestat dhe tubimet e mëdha shpesh fillojnë në mënyrë paqësore, situata mund të ndryshojë shpejt. Protesta mund të zgjerohet në rrugët dhe ndërtesat qeveritare përreth, duke shkaktuar ndërprerje të trafikut, devijime dhe bllokime rrugësh. Udhëzimi ynë i vazhdueshëm është të shmangni zonat e protestës. Nëse ndodheni në qytet, qëndroni vigjilent dhe prioritizoni sigurinë personale. Forconi masat tuaja të sigurisë duke praktikuar zakonet e mëposhtme:
Veprimet që duhet të ndërmerren:
Qytetarët amerikanë këshillohen të shmangin këtë ngjarje;
Kini parasysh rrethinën tuaj;
Kufizoni shpërqendrimet si telefonat ose kufjet në publik;
Monitoroni mediat lokale;
Gjithmonë keni një plan emergjence ose strategji daljeje;
Mbani një profil të ulët.