PALASË– Ditën e sotme IKMT i shoqëruar nga forcat e policisë dhe FNSH, ka zbarkuar në Tragjas për të nisur shembjen e disa banesave, në kuadër të një projekti për ndërtimin e ujësjellësit.
Ndërkohë banorët, të cilët prej kohësh kanë ngritur zërin në kundërshtim të këtij projekti shprehen se nuk janë informuar siç duhet për zhvillimet dhe kanë kërkuar një konsultim me bashkinë. Ata prisnin një takim sqarues, por sot janë përballur me prezencën e forcave policore dhe nisjen e prishjeve nga IKMT.
Projekti synon të marrë burimet e ujit të fshatit Tragjas për të furnizuar resortet e bregdetit të Palasës./Radar.al