Detaje të reja kanë dalë në pah së fundmi nga vrasja e biznesmenit Bujar Nasufit që mbeti i vrarë ditën e dielë në Tiranë te pallati me shigjeta.
Deri më tani bëhet me dije se konfliktet brenda rrethit familjar mbetet pista kryesore që policia po vijon hetimet në lidhje me ekzekutimin e biznesmenit.
Kujtojmë se 56-vjeçari u qëllua brenda mjetit të tij, të cilin sapo po e parkonte pranë banesës.
Mendohet se për të realizuar atentatin e mirëorganizuar autori priti që nga makina të zbriste bashkëshortja e Nasufit, dhe menjëherë iu afrua dhe qëlloi 6 herë me plumba në drejtim të tij.
Sipas policisë dyshohet se viktima ka pasur konflikte për pronat me anëtarë të tjerë të fisit.
Për të identifikuar autorin, hetuesit sekuestruan disa kamera sigurie përgjatë zonës.
Në pamje duket autori i krimit, i cili me kapuç në kokë është munduar që të fshehë identitetin e tij.
Atentatori ka qenë në pritje të viktimës në afërsi të banesës së tij.